ਕਾਰ ਨਾਲ ਟੱਕਰ ਦੌਰਾਨ ਮੋਟਰਸਾਈਕਲ ਸਵਾਰ ਪਿਤਾ ਅਤੇ ਬੇਟੇ ਦੀ ਦਰਦਨਾਕ ਮੌਤ

ਸ਼੍ਰੀ ਫਤਿਹਗੜ ਸਾਹਿਬ: ਕਾਰ ਨਾਲ ਟੱਕਰ ਦੌਰਾਨ ਮੋਟਰਸਾਈਕਲ ਸਵਾਰ ਪਿਤਾ ਅਤੇ ਬੇਟੇ ਦੀ ਮੌਤ ਹੋ ਗਈ। ਪਿੰਡ ਖਾਲਸਪੁਰ ਥਾਣਾ ਬੱਸੀ ਪਠਾਣਾ ਜ਼ਿਲ੍ਹਾ ਫਤਿਹਗੜ ਸਾਹਿਬ ਦੇ ਪਿਤਾ ਅਤੇ ਪੁੱਤਰ ਬੱਸੀ ਬਾਈਪਾਸ ਟੀ-ਪੁਆਇੰਟ ਸੂਆ ਟਾਲਾਨੀਆ ਨੇੜੇ ਚਿੱਟੇ ਰੰਗ ਦੀ ਕਾਰ ਨਾਲ ਟਕਰਾਉਣ ਸਮੇਂ ਉਸ ਸਮੇਂ ਮਾਰੇ ਗਏ ਜਦੋਂ ਉਹ ਇੱਕ ਮੋਟਰਸਾਈਕਲ ’ਤੇ ਗੁਰਦੁਆਰਾ ਸ੍ਰੀ ਫਤਿਹਗੜ ਸਾਹਿਬ ਜਾ ਰਹੇ ਸਨ।

ਚੌਕੀ ਇੰਚਾਰਜ ਕੁਲਵਿੰਦਰ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕਾਂ ਦੀ ਪਛਾਣ ਪਿੰਡ ਖਾਲਸਪੁਰ ਵਿੱਚ ਰਹਿਣ ਵਾਲੇ ਜਿੰਦਰ ਸਿੰਘ ਅਤੇ ਪੁੱਤਰ ਸੰਦੀਪ ਸਿੰਘ ਉਰਫ ਸੰਨੀ ਵਜੋਂ ਹੋਈ ਹੈ। ਪੁਲਿਸ ਨੇ ਜਿੰਦਰ ਸਿੰਘ ਦੇ ਭਤੀਜੇ ਜਸਪਾਲ ਸਿੰਘ ਦੇ ਬਿਆਨਾਂ ‘ਤੇ ਕਾਰ ਨੰਬਰ (ਪੀਬੀ 23 ਐਕਸ 4066) ਦੇ ਡਰਾਈਵਰ ਰਿਤਿਕ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ।