ਦਾਰਾਪੁਰ: ਪੁਲਿਸ ਪ੍ਰਸ਼ਾਸਨ ਤੋਂ ਬੇਖੌਫ ਪਲਸਰ ਸਵਾਰ ਲੁਟੇਰੀ ਲੜਕੀ ਵੱਲੋਂ ਦੁਕਾਨਦਾਰ ਨੂੰ ਲੁੱਟ ਲੈਣ ਦਾ ਮਾਮਲਾ ਸਾਹਮਣੇ ਆਇਆ ਹੈ । ਦੁਕਾਨਦਾਰ ਨੇ ਦੱਸਿਆ ਕਿ ਉਸ ਦੀ ਜੇਬ ਵਿਚ 9 ਹਜਾਰ ਦੇ ਕਰੀਬ ਨਕਦੀ ਤੇ ਡਰਾਇਵਿੰਗ ਲਾਇਸੈਂਸ ਸੀ ਜੋ ਲੁਟੇਰੀ ਨੇ ਝਪਟ ਲਿਆ । ਲੁੱਟ ਖੋਹ ਦਾ ਸ਼ਿਕਾਰ ਹੋਏ ਦਲਬੀਰ ਸਿੰਘ ਨਿਵਾਸੀ ਦਾਰਾਪੁਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉਸ ਦੀ ਪਿੰਡ ਦਾਰਾਪੁਰ ਵਿਖੇ ਕਰਿਆਨਾ ਤੇ ਸਬਜ਼ੀ ਦੀ ਦੁਕਾਨ ਹੈ ਤੇ ਉਹ ਰੋਜ਼ਾਨਾ ਹੀ ਸਮਾਨ ਲੈਣ ਲਈ ਆਉਂਦਾ ਹੈ।
ਦੁਕਾਨਦਾਰ ਅਨੁਸਾਰ ਜਦੋਂ ਸਬਜੀ ਮੰਡੀ ਤੋਂ ਸਮਾਨ ਲੈ ਕੈ ਆਪਣੇ ਮੋਟਰਸਾਈਕਲ ਤੇ ਕਰਿਆਨੇ ਦਾ ਸਮਾਨ ਲੈਣ ਬਜਾਰ ਜਾ ਰਿਹਾ ਸੀ ਤਾਂ ਪੰਜਾਬ ਨੈਸ਼ਨਲ ਬੈਂਕ ਨਜਦੀਕ ਪਹੁੰਚਣ ਤੇ ਪਿਛੋਂ ਆਏ ਪਲਸਰ ਸਵਾਰ ਲੜਕਾ ਤੇ ਲੜਕੀ, ਜਿਨ੍ਹਾਂ ਨੇ ਆਪਣੇ ਮੂੰਹ ਲਪੇਟੇ ਹੋਏ ਸਨ, ਉਸ ਦੀ ਜੇਬ ਨੂੰ ਝਪਟਾ ਮਾਰ ਲਿਆ ਤੇ ਨਾਲ ਹੀ ਲੱਤ ਮਾਰ ਕੇ ਉਸ ਨੂੰ ਡੇਗਣ ਦੀ ਕੋਸ਼ਿਸ਼ ਕੀਤੀ ਅਤੇ ਤੇਜ ਰਫਤਾਰ ਨਾਲ ਫਰਾਰ ਹੋ ਗਏ। ਝਪਟਮਾਰੀ ਦਾ ਸ਼ਿਕਾਰ ਦਲਬੀਰ ਸਿੰਘ ਅਨੁਸਾਰ ਉਸ ਨੇ ਕੁਝ ਦੂਰੀ ਤਕ ਪਿੱਛਾ ਵੀ ਕੀਤਾ ਪਰ ਝਪਟਮਾਰ ਤੇਜ ਰਫਤਾਰ ਨਾਲ ਫਰਾਰ ਹੋ ਗਈ ।
ਉਸ ਨੇ ਦੱਸਿਆ ਕਿ ਜੇਬ ‘ਚ 9 ਹਜਾਰ ਦੇ ਕਰੀਬ ਨਕਦੀ ਤੇ ਡਰਾਇਵਿੰਗ ਲਾਇਸੈਂਸ ਸੀ, ਜੋ ਝਪਟ ਲਿਆ। ਦੁਕਾਨਦਾਰ ਵੱਲੋਂ ਘਟਨਾ ਸਬੰਧੀ ਪੁਲਿਸ ਚੌਂਕੀ ਵਿਖੇ ਦਰਖਾਸਤ ਦੇ ਦਿੱਤੀ ਗਈ ਹੈ।
EDITOR
CANADIAN DOABA TIMES
Email: editor@doabatimes.com
Mob:. 98146-40032 whtsapp
