BREAKING..ਗੜਸ਼ੰਕਰ ਚ ਦਿੱਲੀ ਤੋਂ ਜੰਮੂ ਜਾ ਰਹੀ ਬਸ ਡਿਵਾਈਡਰ ਨਾਲ ਟਕਰਾਈ,ਵੱਡਾ ਹਾਦਸਾ ਹੋਣੋਂ ਟਲਿਆ

ਗਡ਼੍ਹਸ਼ੰਕਰ(ਅਸ਼ਵਨੀ ਸ਼ਰਮਾ)-ਗਡ਼੍ਹਸ਼ੰਕਰ ਵਿਖੇ ਬੀਤੇ ਕੱਲ ਤਡ਼ਕਸਾਰ 4 ਕੁ ਵਜੇ ਚੰਡੀਗਡ਼੍ਹ ਰੋਡ ‘ਤੇ ਦਿੱਲੀ ਤੋਂ ਜੰਮੂ ਨੂੰ ਜਾ ਰਹੀ ਪ੍ਰਾਈਵੇਟ ਕੰਪਨੀ ਦੀ ਟੂਰਿਸਟ ਬੱਸ ਨੰਬਰ ਯੂ.ਪੀ. 15 ਡੀ.ਟੀ.- 6532 ਸ਼ਹਿਰ ਵਿਚ ਦਾਖਲ ਹੁੰਦਿਆਂ ਹੀ ਡਿਵਾਈਡਰ ‘ਤੇ ਜਾ ਚਡ਼੍ਹੀ| ਇਸ ਹਾਦਸੇ ਵਿਚ ਬੱਸ ‘ਚ ਸਵਾਰ ਸਵਾਰੀਆਂ ਦਾ ਵਾਲ-ਵਾਲ ਬਚਾਅ ਹੋ ਗਿਆ ਜਦਕਿ ਬੱਸ ਦਾ ਅਗਲਾ ਹਿੱਸਾ ਤੇ ਬੱਸ ਦੀ ਲਪੇਟ ਵਿਚ ਆਇਆ ਡਿਵਾਈਡਰ ਦਾ ਕਰੀਬ 150 ਫੀਸਦੀ ਹਿੱਸਾ ਬੁਰੀ ਤਰ੍ਹਾਂ ਨੁਕਸਾਨਿਆ ਗਿਆ | ਨਜ਼ਦੀਕੀ ਹੋਟਲ ਵਿਚ ਕੰਮ ਕਰਕੇ ਵਿਅਕਤੀ ਨੇ ਦੱਸਿਆ ਕਿ ਤਡ਼ਕਸਾਰ ਹਫਡ਼ਾ-ਦਫਡ਼ਾ ਮੱਚਣ ਤੋਂ ਬਾਅਦ ਜਦੋਂ ਉਨ੍ਹਾਂ ਨੇ ਦੇਖਿਆ ਤਾਂ ਬੱਸ ਡਿਵਾਈਡਰ ਉੱਤੇ ਚਡ਼੍ਹੀ ਹੋਈ ਸੀ | ਉਨ੍ਹਾਂ ਦੱਸਿਆ ਕਿ ਮੌਕੇ ‘ਤੇ ਪਹੁੰਚ ਕੇ ਸਵਾਰੀਆਂ ਦੀ ਮਦਦ ਲਈ ਯਤਨ ਕੀਤੇ ਗਏ | ਡਿਵਾਈਡਰ ‘ਤੇ ਲਾਈਟਿੰਗ ਆਦਿ ਦਾ ਪ੍ਰਬੰਧ ਨਾ ਹੋਣ ਕਾਰਨ ਇਹ ਹਾਦਸਾ ਵਾਪਰਿਆ ਦੱਸਿਆ ਜਾ ਰਿਹਾ ਹੈ | ਪ੍ਰਾਈਵੇਟ ਕੰਪਨੀ ਵਲੋਂ ਸਾਂਭ-ਸੰਭਾਲ ਕੀਤੀ ਜਾਣ ਵਾਲੀ ਇਸ ਸਡ਼ਕ ‘ਤੇ ਕਈ ਤਰ੍ਹਾਂ ਦੀਆਂ ਖ਼ਾਮੀਆਂ ਹੋਣ ਕਾਰਨ ਇੱਥੇ ਪਹਿਲਾ ਵੀ ਹਾਦਸੇ ਵਾਪਰ ਚੁੱਕੇ ਹਨ | ਸ਼ਹਿਰ ‘ਚ ਵੱਖ-ਵੱਖ ਥਾਵਾਂ ‘ਤੇ ਲੱਗੇ ਡਿਵਾਈਡਰਾਂ ‘ਤੇ ਲਾਈਟਿੰਗ ਆਦਿ ਦਾ ਪੁਖ਼ਤਾ ਪ੍ਰਬੰਧ ਨਾ ਹੋਣ ਕਾਰਨ ਇੱਥੇ ਅਕਸਰ ਹਾਦਸੇ ਵਾਪਰਦੇ ਹਨ |

News