ਗਿਆਨੀ ਇਕਬਾਲ ਸਿੰਘ ਵੱਲੋਂ ਦਿੱਤਾ ਬਿਆਨ, ਸਿੱਖ ਕੌਮ ਦੀ ਅੱਡਰੀ ਪਛਾਣ ਨੂੰ ਖੋਰਾ ਲਾਉਣ ਵਾਲਾ : ਭਾਮ
ਕੈਲਗਿਰੀ (SUKRAT / CDT NEWS)
ਮਾਨੁੱਖੀ ਅਧਿਕਾਰ ਸੰਗਠਨ ਸੂਬਾ ਪ੍ਰਧਾਨ ਮਨਜੀਤ ਸਿੰਘ ਭਾਮ ਨੇ ਬਿਆਨ ਜਾਰੀ ਕਰਦਿਆ ਕਿਹਾ ਕਿ ਸਾਬਕਾ ਜਥੇਦਾਰ ਸ੍ਰੀ ਪਟਨਾ ਸਾਹਿਬ ਗਿਆਨੀ ਇਕਬਾਲ ਸਿੰਘ ਵੱਲੋਂ ਜੋ ਅਯੁੱਧਿਆ ਵਿੱਖੇ ਇੱਕ ਗੁਮਰਾਹਕੁਨ ਬਿਆਨ ਦਿੱਤਾ ਕਿ ਸ੍ਰੀ ਗੁਰੂ ਨਾਨਕ ਦੇਵ ਜੀ ਲਵ – ਕੁਸ਼ ਦੇ ਵੰਸ਼ਜ ਵਿੱਚ ਹੋਏ ਹਨ, ਨਿਰਾ ਹੀ ਸਿੱਖ ਕੌਮ ਦੀ ਅੱਡਰੀ ਪਛਾਣ ਨੂੰ ਖੋਰਾ ਲਾਉਣ ਵਾਲਾ ਹੈ ਤੇ ਸਾਹਿਬ ਸ੍ਰੀ ਗੁਰੂ ਨਾਨਕ ਦੇਵ ਜੀ ਨੇ ਸਿੱਖ ਧਰਮ ਨੂੰ ਉਸ ਸਮੇਂ ਹੀ ਅਲੱਗ ਧਰਮ ਦਾ ਦਰਜਾ ਦੇ ਦਿੱਤਾ ਸੀ ਜਦੋਂ ਉਨ੍ਹਾਂ ਨੇ ਜਨੇਊ ਪਾਉਣ ਤੋਂ ਇਨਕਾਰ ਕਰ ਦਿੱਤਾ ਸੀ ਤੇ ਸਾਰੇ ਧਰਮ ਦਾ ਕਰਮ – ਕਾਂਡਾ ਨੂੰ ਆਪਣੇ ਤੋਂ ਅਲੱਗ ਕਰ ਦਿੱਤਾ ਸੀ |
ਪਰ ਫਿਰ ਵੀ ਇਕਬਾਲ ਸਿੰਘ ਅਖੌਤੀ ਵਰਗੇ ਕੁਝ ਕੁ ਲੋਕ ਜੋ ਸਿਰਫ ਚਰਚਾ ਵਿੱਚ ਰਹਿਣ ਲਈ ਇਸ ਤਰ੍ਹਾਂ ਦੇ ਗੁਮਰਾਹਕੁਨ ਬਿਆਨ ਦੇ ਕੇ ਕੌਮ ਵਿੱਚ ਦੁਬਿਦਾ ਪੈਦਾ ਕਰ ਰਹੇ ਹਨ | ਸਿੱਖ ਧਰਮ ਦੇ ਸਾਰੇ ਸੰਸਕਾਰ ਦੂਸਰਿਆਂ ਧਰਮਾਂ ਤੋਂ ਅਲੱਗ ਹਨ | ਸਿੱਖ ਧਰਮ ਵਿੱਚ ਜਨਮ ਤੋਂ ਲੈ ਕੇ ਆਖਰੀ ਸਫ਼ਰ ਦੇ ਰੀਤੀ ਰਿਵਾਜ ਅਲੱਗ ਹਨ |
ਗਿਆਨ ਇਕਬਾਲ ਸਿੰਘ ਨੇ ਬਤੌਰ ਜਥੇਦਾਰ ਕਾਲ ਸਮੇਂ ਵੀ ਇਹੋ ਜਿਹੇ ਬਿਆਨ ਦੇ ਕੇ ਕੌਮ ਵਿੱਚ ਸਮੇਂ ਸਮੇਂ ਦੁਬਿਧਾਪੂਰਨ ਬਿਆਨ ਦੇ ਕੇ ਆਪਣੇ ਆਪ ਨੂੰ ਚਰਚਾ ਦਾ ਹਿੱਸਾ ਬਣਾਈ ਰੱਖਿਆ | ਇਸ ਤਰ੍ਹਾਂ ਦੀਆਂ ਉਕਤ ਜਥੇਦਾਰ ਦੀਆਂ ਗਲਤੀਆਂ ਕਾਰਣ ਕੌਮ ਨੂੰ ਹਮੇਸ਼ਾ ਨਿਮੋਸ਼ੀ ਦਾ ਸਾਹਮਣਾ ਕਰਨਾ ਪਿਆ | ਸਿੱਖ ਕੌਮ ਵੱਲੋਂ ਗਿਆਨੀ ਇਕਬਾਲ ਸਿੰਘ ਦੇ ਇਸ ਆਪਹੁਦਰੇਪਨ ਬਿਆਨ ਦੀ ਪੁਰਜ਼ੋਰ ਸ਼ਬਦਾਂ ਵਿਸਹ ਨਿਖੇਦੀ ਕੀਤੀ ਜਾਂਦੀ ਹੈ |
ਸਾਹਿਬ ਸ੍ਰੀ ਗੁਰੂ ਗੋਬਿੰਦ ਸਾਹਿਬ ਦੇ ਜੀਵਨ ਕਾਲ ਦੀ ਇੱਕ ਸਾਖੀ ਸੁਣਨ ਨੂੰ ਮਿਲਦੀ ਹੈ ਜਿਸ ਵਿੱਚ ਉਨ੍ਹਾਂ ਨੇ ਕਿਹਾ ਸੀ ਕਿ ਆਉਣ ਵਾਲੇ ਸਮੇਂ ਵਿੱਚ ਸਿੱਖਾਂ ਦੇ ਘਰ ਮਸੰਦ ਬਿਰਤੀ ਵਾਲੇ ਲੋਕ ਪੈਦਾ ਹੋਣਗੇ ਜੋ ਸਿੱਖੀ ਲਿਬਾਸ ਵਿੱਚ ਕੌਮ ਦਾ ਨੁਕਸਾਨ ਕਰਨਗੇ |
ਗਿਆਨੀ ਇਕਬਾਲ ਸਿੰਘ ਉਨ੍ਹਾਂ ਮਸੰਦ ਬਿਰਤੀ ਵਾਲੇ ਲੋਕਾਂ ਵਿੱਚ ਇੱਕ ਹੈ | ਇਕਬਾਲ ਸਿੰਘ ਨੂੰ ਸੱਜਰਾ ਬੰਸਾਵਲੀ ਪੜ੍ਹ ਲੈਣੀ ਚਾਹੀਦੀ ਹੈ ਜਿਸ ਤੋਂ ਇਸ ਦੇ ਸਾਰੇ ਭਰਮ ਭੁਲੇਖੇ ਦੂਰ ਹੋ ਜਾਣਗੇ | ਇਕਬਾਲ ਸਿੰਘ ਨੂੰ ਪੇਸ਼ੀ ਤੇ ਸਦਕੇ ਇਸ ਤਰ੍ਹਾਂ ਦੇ ਬਿਆਨ ਦੇਣ ਤੋਂ ਵਰਜਿਆ ਜਾਵੇ ਤਾਂ ਜੋ ਸਿੱਖ ਧਰਮ ਦੀ ਅੱਡਰੀ ਪਛਾਣ ਤੇ ਕੋਈ ਕਿੰਤੂ – ਪਰੰਤੂ ਨਾ ਹੋਵੇ | ਸਿੱਖ ਧਰਮ (ਕੌਮ) ਸਾਰੇ ਧਰਮਾਂ ਦਾ ਸਤਿਕਾਰ ਕਰਦਾ ਹੈ ਪਰ ਆਪਣੀ ਵੱਖਰੀ ਪਛਾਣ ਤੇ ਕੋਈ ਵੀ ਕਿੰਤੂ – ਪਰੰਤੂ ਸਹਿਣ ਨਹੀਂ ਕਰ ਸਕਦਾ |
- ਡੇਅਰੀ ਵਿਕਾਸ ਵਿਭਾਗ ਵਲੋਂ 2 ਹਫਤੇ ਡੇਅਰੀ ਸਿਖਲਾਈ ਕੋਰਸ 10 ਮਾਰਚ ਤੋਂ
- ਵਿਧਾਇਕ ਜਿੰਪਾ ਨੇ ਸ਼੍ਰੀ ਗੁਰੂ ਰਵਿਦਾਸ ਨਗਰ ਦੁੱਧ ਉਤਪਾਦਕ ਸਭਾ ਦੇ 61 ਮੈਂਬਰਾਂ ਨੂੰ ਵੰਡੇ 9.64 ਲੱਖ ਰੁਪਏ ਦੇ ਬੋਨਸ ਚੈੱਕ
- ਜ਼ਿਲ੍ਹੇ ’ਚ ਪ੍ਰਧਾਨ ਮੰਤਰੀ ਇੰਟਰਨਸ਼ਿਪ ਸਕੀਮ ਲਾਗੂ, ਦੇਸ਼ ਦੀਆਂ ਟਾਪ 500 ਕੰਪਨੀਆਂ ਵਿੱਚ ਆਫ਼ਰ
- #BALAM_BALWINDER : पंडित मोहन लाल एसडी काॅलेज फाॅर विमेन, गुरदासपुर ने 3- स्टार रेटिंग प्राप्त कर राज्यभर में प्राप्त किया दूसरा स्थान
- ਪੰਜਾਬ ਸਰਕਾਰ ਮਧੂ ਮੱਖੀ ਪਾਲਣ ਦੇ ਧੰਦੇ ਨੂੰ ਹੁਲਾਰਾ ਦੇਣ ਲਈ ਵਚਨਬੱਧ: ਜਸਵੀਰ ਸਿੰਘ ਰਾਜਾ ਗਿੱਲ
- #DGP_PUNJAB : POLICE BUSTS DRUG SMUGGLING NETWORK OPERATED BY USA-BASED SMUGGLER, 23KG HEROIN RECOVERED
EDITOR
CANADIAN DOABA TIMES
Email: editor@doabatimes.com
Mob:. 98146-40032 whtsapp
