ਵੱਡੀ ਖ਼ਬਰ : ਐਸ.ਐਸ.ਪੀ. ਹੁਸ਼ਿਆਰਪੁਰ ਨਵਜੋਤ ਮਾਹਲ ਨੇ ਗੈਂਗਸਟਰ ਪ੍ਰਣਵ ਸਹਿਗਲ ਬਾਰੇ ਕੀਤੇ ਹੈਰਾਨੀਜਨਕ ਖੁਲਾਸੇ, ਐਨ.ਆਰ.ਆਈ. ਵਿਅਕਤੀ ਤੇ ਕਬੱਡੀ ਕੱਪ ਦੇ ਮੈਚ ਦੌਰਾਨ ਫਾਇਰ ਕੀਤਾ ਸੀ ਉਸ ਜਗਾਂ ਤੇ ਪੰਜਾਬੀ ਸਿੰਗਰ ਸਿੱਧੂ ਮੂਸੇ ਵਾਲਾ ਦਾ ਨਾਈਟ ਸ਼ੋਅ ਸੀ • CANADIAN DOABA TIMES

ਹੁਸ਼ਿਆਰਪੁਰ (ਆਦੇਸ਼ ਪਰਮਿੰਦਰ ਸਿੰਘ ) ਹੁਸ਼ਿਆਰਪੁਰ ਪੁਲਿਸ ਵਲੋਂ ਨਿਰਸੰਦੇਹ 6 ਗੈਂਗਸ੍ਟਰ੍ਸ ਨੂੰ ਹਥਿਆਰਾਂ ਸਮੇਤ ਗ੍ਰਿਫਤਾਰ ਕਰਨਾ ਇਕ ਵੱਡੀ ਕਾਮਯਾਬੀ ਹੈ ਪਰ ਇਸ ਦੌਰਾਨ ਗੈਂਗਸਟਰ ਪ੍ਰਣਵ ਸਹਿਗਲ ਨੂੰ ਗ੍ਰਿਫਤਾਰ ਕਰਨਾ ਪੁਲਿਸ ਦੀ ਹੋਰ ਵੀ ਵੱਡੀ ਕਾਮਯਾਬੀ ਸਮਝਿਆ ਜਾ ਰਿਹਾ ਹੈ. ਕੈਨੇਡੀਅਨ ਦੋਆਬਾ ਟਾਈਮਜ਼ ਨਾਲ ਇਕ ਵਿਸ਼ੇਸ਼ ਗੱਲਬਾਤ ਦੌਰਾਨ ਐਸ.ਐਸ.ਪੀ. ਹੁਸ਼ਿਆਰਪੁਰ ਨਵਜੋਤ ਸਿੰਘ ਮਾਹਲ ਨੇ ਦੱਸਿਆ ਕਿ ਏਨਾ ਗੈਂਗਸ੍ਟਰ੍ਸ ਵਿਚੋਂ ਪ੍ਰਣਵ ਸਹਿਗਲ ਦੀ ਉਮਰ ਸਿਰਫ 20 ਸਾਲ ਹੈ ਅਤੇ ਉਹ ਇਕ ਚੰਗੇ ਪਰਿਵਾਰ ਨਾਲ ਸੰਬੰਧਿਤ ਹੈ। ਓਹਨਾ ਕਿਹਾ ਕਿ ਇਸਨੇ ਕੁਝ ਸਮਾਂ ਪਹਿਲਾਂ ਹੀ ਆਪਣੀ ਪੜਾਈ ਛੱਡੀ ਸੀ ਅਤੇ ਇਹ ਇਕ ਕਾਲਜ ਚ ਬੀਬੀਏ ਦੀ ਪੜਾਈ ਕਰ ਰਿਹਾ ਸੀ ਤੇ ਬੁਰੀ ਸੰਗਤ ਚ ਪੈ ਗਿਆ।

ਓਹਨਾ ਦੱਸਿਆ ਕਿ ਪ੍ਰਣਵ ਸਹਿਗਲ ਦੇ ਮਾਂ -ਬਾਪ ਦੋਵੈਂ ਅਧਿਆਪਕ ਹਨ ਪਰ ਉਸਨੂੰ ਸਮਝੌਣ ਚ ਨਾਕਾਮਯਾਬ ਰਹੇ।
ਨਵਜੋਤ ਮਾਹਲ ਨੇ ਦੱਸਿਆ ਕਿ ਪਹਿਲਾਂ ਇਹ ਸੋਢੀ ਕਾਰ ਬਾਜ਼ਾਰ ਦਸੂਹਾ ਦੇ ਮਾਲਕ ਦੇ ਕਤਲ ਕੇਸ ਅਤੇ
ਸ਼ਹੀਦ ਭਗਤ ਸਿੰਘ ਜ਼ਿਲੇ ਨਾਲ ਸਬੰਧਤ ਤਿੰਨ ਹੋਰ ਇਰਾਦਾ ਕਤਲ ਦੇ ਮਾਮਲਿਆਂ ਵਿੱਚ ਲੋੜੀਂਦਾ ਸੀ ਅਤੇ ਇਸ ਵੱਲੋਂ ਇੱਕ
ਐਨ.ਆਰ.ਆਈ. ਵਿਅਕਤੀ ਤੇ ਕਬੱਡੀ ਕੱਪ ਦੇ ਮੈਚ ਦੌਰਾਨ ਫਾਇਰ ਕੀਤਾ ਸੀ ਉਸ ਜਗਾਂ ਤੇ ਪੰਜਾਬੀ ਸਿੰਗਰ ਸਿੱਧੂ
ਮੂਸੇ ਵਾਲਾ ਦਾ ਨਾਈਟ ਸ਼ੋਅ ਸੀ, ਇਸ ਘਟਨਾ ਤੋਂ ਬਾਅਦ ਇਹ ਸ਼ੋਅ ਕੈਂਸਲ ਹੋ ਗਿਆ ਸੀ।

ਓਹਨਾ ਕਿਹਾ ਕਿ
ਪ੍ਰਣਵ ਸਹਿਗਲ, ਰਾਕੇਸ਼ ਖੱਤਰੀ ਉਰਫ ਸੋਨੂੰ ਖੱਤਰੀ ਵਾਸੀ ਬਲਾਚੌਰ ਦੇ ਪ੍ਰਭਾਵ ਹੇਠ ਕੰਮ ਕਰਦਾ ਸੀ,
ਰਾਕੇਸ਼ ਖੱਤਰੀ ਵੀ ਕਈ
ਕ੍ਰਿਮੀਨਲ ਕੇਸਾਂ ਵਿੱਚ ਲੋੜੀਂਦਾ ਹੈ। ਓਹਨਾ ਕਿਹਾ ਕਿ ਜੇਕਰ ਪੁਲਿਸ ਇਸ ਨੂੰ ਗ੍ਰਿਫਤਾਰ ਨਾ ਕਰਦੀ ਤਾਂ ਸਹਿਜੇ ਹੀ ਇਸ ਗੱਲ ਦਾ ਅੰਦਾਜਾ ਲਗਾਇਆ ਜਾ ਸਕਦਾ ਹੈ ਕਿ 20 ਸਾਲਾਂ ਦਾ ਇਹ ਨੌਜਵਾਨ ਬੰਬਈ ਦੇ ਡੌਨਾ ਵਾਂਗ ਅੱਗੇ ਚਾਲ ਕੇ ਇਕ ਖ਼ਤਰਨਾਕ ਅਪਰਾਧੀ ਸਾਬਿਤ ਹੁੰਦਾ। ਓਹਨਾ ਕਿਹਾ ਕਿ ਜੋ ਹਥਿਆਰ ਪਿਸਟਲ ਵਗੈਰਾ ਏਨਾ ਕੋਲੋਂ ਫੜੇ ਗਏ ਹਨ ਉਹ ਇਸਤਰਾਂ ਲਗਦੇ ਹਨ ਜਿਵੇਂ ਕੇ ਅਮੇਰਿਕਾ ਦੇ ਬਣੇ ਹੋਏ ਹੁਂਦੇ ਹਨ।
ਐਸ.ਐਸ.ਪੀ. ਹੁਸ਼ਿਆਰਪੁਰ ਨਵਜੋਤ ਮਾਹਲ ਨੇ ਕਿਹਾ ਕਿ ਹੋਰ ਵੀ ਗੈਂਗਸ੍ਟਰ੍ਸ ਜਿਹੜੇ ਤੁਰੇ ਫਿਰਦੇ ਹਨ, ਉਹ ਜਾਂ ਤਾਂ ਆਤਮ ਸਮਰਪਣ ਕਰ ਦੇਣ ਤਾਂ ਠੀਕ ਹੈ ਨਹੀਂ ਤਾਂ ਪੁਲਿਸ ਦੇ ਟਾਰਗੇਟ ਤੇ ਹਨ ਅਤੇ ਉਹ ਵੀ ਛੇਤੀ ਫੜ ਲਏ ਜਾਣਗੇ।