ਗੜ੍ਹਸ਼ੰਕਰ (ਅਸ਼ਵਨੀ ਸ਼ਰਮਾ) : ਸੀਨੀਅਰ ਟਰੇਡ ਯੂਨੀਅਨਿਸਟ ਅਤੇ ਮੈਂਬਰ ਏ.ਆਈ.ਸੀ.ਸੀ ਸ੍ਰੀ ਐਮ.ਐਮ.ਸਿੰਘ ਚੀਮਾ ਦੀ ਛੋਟੀ ਭੈਣ ਜੌ ਸਾਗਰਪੁਰ, ਬਟਾਲਾ ਨਿਵਾਸੀ ਸਵਰਗੀ ਸਰਦਾਰ ਕੁਲਤਾਰ ਸਿੰਘ ਕਾਹਲੋਂ ਦੀ ਸੁਪਤਨੀ ਸਨ ਦਾ ਬੀਤੀ 31 ਮਈ 2020 ਨੂੰ ਦੇਹਾਂਤ ਹੋ ਗਿਆ ਸੀ। ਜਿਕਰਯੋਗ ਹੈ ਕਿ ਜ਼ਿਲ੍ਹਾ ਗੁਰਦਾਸਪੁਰ ਦੇ ਪਿੰਡ ਚੀਮਾ ਖੁੱਡੀ ਦੇ ਸਤਿਕਾਰਤ ਆਜ਼ਾਦੀ ਘੁਲਾਟੀਆਂ ਦੇ ਪਰਿਵਾਰ ਨਾਲ ਸਬੰਧਤ ਇਹ ਧੀ ਸਿੱਖਿਆ ਦੀ ਮੋਹਰੀ ਸੀ ਅਤੇ ਉਸਨੇ ਜੈਪੁਰ ਤੋਂ ਆਪਣੀ ਵਿੱਦਿਆ ਹਾਸਲ ਕੀਤੀ ਸੀ ਦਾ ਬੀਤੇ ਦਿਨੀ ਦਿਲ ਦਾ ਦੌਰਾ ਪੈਣ ਕਾਰਨ ਦੇਹਾਂਤ ਹੋ ਗਿਆ ਸੀ।
ਓਹਨਾ ਦੇ ਦੋ ਪ੍ਰਗਤੀਸ਼ੀਲ ਕਿਸਾਨ ਪੁੱਤਰ, ਜਗਬੀਰ ਪਾਲ ਸਿੰਘ ਕਾਹਲੋਂ ਅਤੇ ਅਮਰਬੀਰ ਪਾਲ ਸਿੰਘ ਕਾਹਲੋਂ ਅਤੇ ਦੋ ਧੀਆਂ ਡਾ: ਨੀਨਾ ਰੋਜ਼ੀ ਕਾਹਲੋਂ ਅਤੇ ਮਿਸ ਮਿੰਨੀ ਕਾਹਲੋਂ ਹਨ।ਉਹ ਪੰਜਾਬ ਹੈਲਥ ਸਿਸਟਮਜ਼ ਕਾਰਪੋਰੇਸ਼ਨ ਦੇ ਚੇਅਰਮੈਨ ਅਮਰਦੀਪ ਸਿੰਘ ਚੀਮਾ ਦੇ ਰਿਸਤੇ ਵਿੱਚ ਭੂਆ ਜੀ ਲੱਗਦੇ ਸਨ ਅਤੇ ਉਹ ਆਪਣੇ ਨਿਮਰ ਸੁਭਾਅ ਲਈ ਖੇਤਰ ਵਿਚ ਜਾਣੇ ਜਾਂਦੇ ਸਨ ਅਤੇ ਹਰੇਕ ਦੀ ਦੁੱਖ ਦੀ ਘੜੀ ਵਿਚ ਸ਼ਾਮਲ ਹੋਣ ਦੇ ਨਾਲ ਨਾਲ ਕਿਸੇ ਦਾ ਦੁੱਖ ਵੇਖ ਕੇ ਪਸੀਜ ਜਾਂਦੇ ਸੀ।
ਓਹਨਾਂ ਦਾ ਸਾਰਾ ਪਰਿਵਾਰ ਗੁਰਬਾਣੀ ਪ੍ਰੇਮੀ ਹੈ ਜਿਹਨਾਂ ਨੇ ਆਪਣੇ ਘਰ ਸ੍ਰੀ ਗੁਰੂ ਗਰੰਥ ਸਾਹਿਬ ਜੀ ਦੇ ਪ੍ਰਕਾਸ਼ ਕਰਵਾਏ ਹੋਏ ਸਨ। ਭਾਵੇਂ ਉਹ ਸਮਾਜਿਕ ਮਸਲਿਆਂ ਅਤੇ ਪ੍ਰੋਗਰਾਮਾਂ ਦੇ ਸਬੰਧ ਵਿੱਚ ਕਿਤੇ ਵੀ ਗਏ ਹੁੰਦੇ ਸਨ ਪਰ ਘਰ ਆਉਣ ਤੋਂ ਬਾਅਦ ਅਪਣਾ ਨਿੱਤਨੇਮ ਜਰੂਰ ਕਰਦੇ ਸਨਉਹ ਆਧੁਨਿਕ ਪੀੜ੍ਹੀ ਵਿਚ ਖੇਤੀਬਾੜੀ ਨੂੰ ਉਤਸ਼ਾਹਤ ਕਰਨ ਲਈ ਤਾਉਮਰ ਯਤਨਸ਼ੀਲ ਰਹੇ ।ਇਸਤ੍ਰੀ ਸਸ਼ਕਤੀਕਰਣ ਦੇ ਹੱਕ ਵਿੱਚ ਉਹ ਸਨ ਜਿਨ੍ਹਾ ਨੇ ਆਪਣੀ ਬੇਟੀ ਨੂੰ ਮੇਰਠ ਯੂਨੀਵਰਸਿਟੀ ਤੱਕ ਦੂਰ ਦੁਰਾਡੇ ਭੇਜਣ ਲਈ ਪ੍ਰੇਰਿਆ ਸੀ ਅਤੇ ਹਮੇਸ਼ਾ ਡੱਟ ਕੇ ਇਸਤ੍ਰੀ ਦੇ ਹੱਕ ਦੀ ਗੱਲ ਕਰਦੇ ਸਨ। ਓਹਨਾ ਦੇ ਪਤੀ ਸਰਦਾਰ ਕੁਲਤਾਰ ਸਿੰਘ ਕਾਹਲੋਂ ਆਬਕਾਰੀ ਅਤੇ ਕਰ ਵਿਭਾਗ ਵਿੱਚ ਆਪਣੀਆਂ ਸੇਵਾਵਾਂ ਨਿਭਾਉਂਦੇ ਰਹੇ ਸਨ ਤੇ ਹਰ ਮੁਸਕਿਲ ਘੜੀ ਵਿੱਚ ਉਹ ਆਪਣੇ ਪਤੀ ਨੂੰ ਉਸਾਰੂ ਸਲਾਹ ਮਸ਼ਵਰਾ ਦੇਂਦੇ ਸਨ।
ਸਵਰਗੀ ਸ੍ਰੀਮਤੀ ਦਲਬੀਰ ਕੌਰ ਕਾਹਲੋਂ ਇੱਕ ਨੇਕ ਰੂਹ ਸਨ ਜਿਸਨੇ ਸਾਰੀ ਉਮਰ ਆਪਣੇ ਪਰਿਵਾਰ ਦੇ ਨਾਲ ਨਾਲ ਸਮਾਜ ਨੂੰ ਵੀ ਸਹੀ ਦਿਸ਼ਾ ਪ੍ਰਦਾਨ ਕੀਤੀ ਸੀ ਦੇ ਇਸ ਸੰਸਾਰ ਤੋਂ ਵਿਦਾ ਹੋ ਜਾਣ ਨਾਲ ਵੱਡਾ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ।ਸਵਰਗੀ ਸ੍ਰੀਮਤੀ ਦਲਬੀਰ ਕੌਰ ਦੀ ਆਤਮਿਕ ਸ਼ਾਂਤੀ ਲਈ ਸ਼੍ਰੀ ਆਖੰਡ ਪਾਠ ਸਾਹਿਬ ਜੋ ਅੱਜ ਐਤਵਾਰ ਮਿਤੀ 7 ਜੂਨ ਨੂੰ ਪਿੰਡ ਸਾਗਰ ਪੁਰ, ਬਟਾਲਾ ਗ੍ਰਹਿ ਵਿਖੇ ਅਰੰਭ ਕਰਵਾ ਦਿੱਤੇ ਗਏ ਹਨ ਦਾ ਭੋਗ 9 ਜੂਨ ਦਿਨ ਮੰਗਲਵਾਰ ਨੂੰ ਬਾਅਦ ਦੁਪਹਿਰ 12ਵਜੇ ਪਵੇਗਾ ਉਪਰੰਤ ਕੀਰਤਨ ਅਤੇ ਅੰਤਿਮ ਅਰਦਾਸ 1 ਵਜੇ ਹੋਵੇਗੀ। ਮੌਜੂਦਾ ਕਰੋਨਾ ਮਹਾਮਾਰੀ ਦੇ ਚਲਦਿਆ ਪਰਿਵਾਰ ਵਲੋਂ ਸਾਰੇ ਰਿਸ਼ਤੇਦਾਰਾਂ, ਸਗੇ ਸਬੰਧੀਆਂ ਅਤੇ ਹਮਦਰਦੀਆਂ ਨੂੰ ਬੇਨਤੀ ਹੈ ਕਿ ਸੋਸ਼ਲ ਡਿਸਟੈਂਸਿੰਗ ਦਾ ਧਿਆਨ ਰੱਖਦਿਆਂ ਹੋਇਆ ਉਹ ਭੋਗ ਵਾਲੇ ਦਿਨ ਨਿਜ਼ੀ ਤੌਰ ਤੇ ਪਹੁੰਚਣ ਦੀ ਖੇਚਲ ਨਾ ਕਰਨ ਅਤੇ ਆਪਣੇ ਆਪਣੇ ਘਰ ਰਹਿੰਦੇ ਹੋਏ ਹੀ ਵਿਛੜੀ ਰੂਹ ਦੀ ਆਤਮਿਕ ਸ਼ਾਂਤੀ ਲਈ ਅਰਦਾਸ ਕਰਨ
EDITOR
CANADIAN DOABA TIMES
Email: editor@doabatimes.com
Mob:. 98146-40032 whtsapp
