ਸੋਨੀਆ ਬਾਬੇ ਨੇ ਨਸ਼ੀਲੀ ਦਵਾਈ ਨਾਲ ਬੇਹੋਸ਼ ਕਰਕੇ ਦੀਪਕ ਦਾ ਗੁਪਤ ਅੰਗ ਵੱਡਿਆ,ਮਾਮਲਾ ਦਰਜ
ਗੁਰਦਾਸਪੁਰ 2 ਜੁਲਾਈ ( ਅਸ਼ਵਨੀ) : ਇੱਕ ਨੌਜਵਾਨ ਨੂੰ ਨਸ਼ੀਲੀ ਦਵਾਈ ਨਾਲ ਬੇਹੋਸ਼ ਕਰਕੇ ਗੁਪਤ ਅੰਗ ਵੱਡ ਦੇਣ ਅਤੇ ਕਿਸੇ ਨੂੰ ਦੱਸਣ ਤੇ ਜਾਨੋ ਮਾਰ ਦੇਣ ਦੀ ਧਮਕੀ ਦੇਣ ਦੇ ਦੋਸ਼ ਚ ਦੋ ਵਿਰੁਧ ਪੁਲਸ ਸਟੇਸ਼ਨ ਸਿਟੀ ਗੁਰਦਾਸਪੁਰ ਦੀ ਪੁਲਿਸ ਵੱਲੋਂ ਮਾਮਲਾ ਦਰਜ ਕੀਤਾ ਗਿਆ ਹੈ।ਪੀੜਤ ਨੌਜਵਾਨ ਦੀ ਮਾਤਾ ਰੀਟਾ ਕੁਮਾਰੀ ਪਤਨੀ ਵਿਜੈ ਕੁਮਾਰ ਵਾਸੀ ਗੁਰਦਾਸਪੁਰ ਨੇ ਪੁਲਿਸ ਨੂੰ ਦਿੱਤੇ ਬਿਆਨ ਰਾਹੀਂ ਦੱਸਿਆ ਕਿ ਉਸ ਦਾ ਲੜਕੇ ਦੀਪਕ ਕੁਮਾਰ ਦਾ ਸੋਨੀਆ ਬਾਬਾ ਵਾਸੀ ਬਹਾਦਰ ਨੌਸ਼ਹਿਰਾ ਦੇ ਘਰ ਆਉਣ ਜਾਣ ਸੀ।
ਦੀਪਕ ਕਰੀਬ 20-25 ਦਿਨਾਂ ਤੋਂ ਆਪਣੇ ਘਰ ਨਹੀਂ ਸੀ ਆਇਆ ਅਤੇ ਉਸ ਦਾ ਫ਼ੋਨ ਵੀ ਬੰਦ ਆ ਰਿਹਾ ਸੀ। ਬੀਤੀ 15 ਜੂਨ ਨੂੰ ਦੀਪਕ ਆਪਣੇ ਘਰ ਆਇਆ ਤੇ ਉਸ ਨੇ ਦਸਿਆ ਕਿ ਸੋਨੀਆ ਬਾਬਾ ਉਸ ਨੂੰ ਅੰਮ੍ਰਿਤਸਰ ਲੈ ਗਿਆ ਅਤੇ ਕਿਸੇ ਨਸ਼ੀਲੀ ਦਵਾ ਨਾਲ ਉਸ ਨੂੰ ਬੇਹੋਸ਼ ਕਰ ਦਿੱਤਾ ਜਦ ਉਸ ਨੂੰ ਹੋਸ਼ ਆਇਆ ਤਾਂ ਉਸ ਨੂੰ ਪਤਾ ਲੱਗਾ ਕਿ ਅਪ੍ਰੇਸ਼ਨ ਕਰਕੇ ਉਸ ਦਾ ਗੁਪਤ ਅੰਗ ਕੱਢ ਦਿੱਤਾ ਗਿਆ ਹੈ।
ਦੁਜੇ ਦਿਨ ਸੋਨੀਆ ਬਾਬਾ ਉਸ ਦੇ ਬੇਟੇ ਦੀਪਕ ਨੂੰ ਦੀਨਾਨਗਰ ਪ੍ਰਵੀਨ ਬਾਬਾ ਦੇ ਘਰ ਲੈ ਗਿਆ ਅਤੇ ਸਵੇਰੇ ਵਾਪਿਸ ਆਪਣੇ ਘਰ ਲੈ ਗਿਆ ਸੋਨੀਆ ਬਾਬਾ ਨੇ ਉਸ ਦੇ ਬੇਟੇ ਦੀਪਕ ਨੂੰ ਧਮਕੀ ਦਿੱਤੀ ਕਿ ਇਸ ਬਾਰੇ ਕਿਸੇ ਨੂੰ ਦੱਸਿਆ ਤਾਂ ਉਸ ਨੂੰ ਮਾਰ ਦਿੱਤਾ ਜਾਵੇਗਾ। ਉਸ ਦਾ ਬੇਟਾ ਦੀਪਕ ਇੱਕ ਦਿਨ ਸੋਨੀਆ ਬਾਬਾ ਦੇ ਘਰੋਂ ਭੱਜ ਕੇ ਆਪਣੇ ਘਰ ਆ ਗਿਆ।ਸਬ ਇੰਸਪੈਕਟਰ ਜਸਬੀਰ ਸਿੰਘ ਨੇ ਦੱਸਿਆ ਕਿ ਰੀਟਾ ਕੁਮਾਰੀ ਵੱਲੋਂ ਦਿੱਤੇ ਬਿਆਨਾ ਦੇ ਅਧਾਰ ਤੇ ਪੁਿਲਸ ਵੱਲੋਂ ਮਾਮਲਾ ਦਰਜ ਕਰਕੇ ਕਾਰਵਾਈ ਕੀਤੀ ਜਾ ਰਹੀ ਹੈ।
EDITOR
CANADIAN DOABA TIMES
Email: editor@doabatimes.com
Mob:. 98146-40032 whtsapp
