ਯੂ.ਜੀ.ਸੀ ਵਲੋਂ ਸਕਿੱਲ ਡਿਵੈਲਪਮੈਂਟ ਪ੍ਰੋਗਰਾਮ ਤਹਿਤ ਖ਼ਾਲਸਾ ਕਾਲਜ ਗੜ੍ਹਦੀਵਾਲਾ ਨੂੰ ਦਿੱਤੇ ਤਿੰਨ ਨਵੇਂ ਕੋਰਸ

(ਨਵੇਂ ਕੋਰਸਾਂ ਸਬੰਧੀ ਜਾਣਕਾਰੀ ਦਿੰੰਦੇ ਹੋਏ ਪ੍ਰਿੰ.ਸਤਵਿੰਦਰ ਸਿੰਘ ਢਿੱਲੋਂ)

ਗੜ੍ਹਦੀਵਾਲਾ 24 ਸਤੰਬਰ (ਚੌਧਰੀ) : ਭਾਰਤ ਸਰਕਾਰ ਦੀ ਵਿੱਦਿਆ ਨਾਲ ਸਬੰਧਿਤ ਉੱਚ ਸੰਸਥਾ ਯੂਨੀਵਰਸਿਟੀ ਗ੍ਰਾਂਟ ਕਮਿਸ਼ਨ ਵਲੋਂ ਭਾਰਤ ਵਿੱਚ ਸਕਿੱਲ (ਕਿੱਤਾ ਮੁੱਖੀ) ਵਿਦਿਆਰਥੀਆਂ ਨੂੰ ਉਤਸਾਹਿਤ ਕਰਨ ਲਈ ਅਤੇ ਵਿਦਿਆਰਥੀਆਂ ਨੂੰ ਰੋਜ਼ਗਾਰ ਦੇ ਮਕਸਦ ਲਈ ਸਮੁੱਚੇ ਭਾਰਤ ਵਿੱਚ ਸਕਿਲ ਡਿਵੈਲਪਮੈਂਟ (ਸ਼ਕਲਿਲ ਡਿਵੈਲਪਮੈਂਟ) ਉੱਪਰ ਮੌਜੂਦਾ ਸਮੇਂ ਬਹੁਤ ਜ਼ੋਰ ਦਿੱਤਾ ਜਾ ਰਿਹਾ ਹੈ। ਇਸ ਸਕੀਮ ਦੇ ਤਹਿਤ ਯੂ.ਜੀ.ਸੀ. ਵਲੋਂ ਖ਼ਾਲਸਾ ਕਾਲਜ ਗੜ੍ਹਦੀਵਾਲਾ ਦੇ ਅਦਾਰੇ ਨੂੰ ਤਿੰਨ ਨਵੇਂ ਕੋਰਸ ਇਸ ਵਿਦਿਅਕ ਵਰ੍ਹੇ (2020-21) ਲਈ ਦਿੱਤੇ ਗਏ ਹਨ।

Advertisements

ਇਹਨਾਂ ਕੋਰਸਾਂ ਵਿੱਚ ਬੀ-ਵਾਕ (ਭ-ੜੋਚ), ਫੈਸ਼ਨ ਟੈਕਨਾਲੋਜੀ ਅਤੇ ਅਪੈਰਲ ਡਿਜਾਇਨਿੰਗ,ਬੀ-ਵਾਕ ਕੰਪਿਊਟਰ ਹਾਰਡ ਵੇਅਰ ਅਤੇ ਨੈਟ ਵਰਕਿੰਗ ਅਤੇ ਬੀ-ਵਾਕ ਐਗਰੀਬਿਜ਼ਨੈਸ ਅਤੇ ਖੇਤੀ-ਉਦਮੀ ਨਾਲ ਸਬੰਧਿਤ ਹਨ। ਇਸ ਸਬੰਧੀ ਕਾਲਜ ਦੇ ਪ੍ਰਿੰਸੀਪਲ ਡਾ. ਸਤਵਿੰਦਰ ਸਿੰਘ ਢਿੱਲੋਂ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਹ ਤਿੰਨੇ ਕੋਰਸ ਮੌਜੂਦਾ ਸਮੇਂ ਵਿਦਿਆਰਥੀ ਲਈ ਬਹੁਤ ਲਾਹੇਵੰਦ ਹਨ ਅਤੇ ਵਿਦਿਆਰਥੀ ਇਸ ਵਿੱਚ ਪੜ੍ਹਾਈ ਕਰਕੇ ਰੋਜ਼ਗਾਰ ਦੇ ਮੌਕੇ ਅਸਾਨੀ ਨਾਲ ਹਾਸਲ ਕਰ ਸਕਦੇ ਹਨ।

Advertisements

ਇਹਨਾਂ ਕੋਰਸਾਂ ਵਿੱਚ ਦਾਖਲਾ ਸ਼ੁਰੂ ਹੋ ਚੁੱਕਾ ਹੈ ਅਤੇ ਸੀਟਾਂ ਵੀ ਸੀਮਤ ਹਨ।ਇਹਨਾਂ ਕੋਰਸਾਂ ਵਿੱਚ ਦਾਖਲਾ ਲੈਣ ਲਈ ਵਿਦਿਆਰਥੀ ਕਿਸੇ ਵੀ ਸਟਰੀਮ ਵਿੱਚ 10+2 ਪਾਸ ਹੋਣਾ ਚਾਹੀਦਾ ਹੈ।ਇਸ ਲਈ ਪਹਿਲਾਂ ਆਉਣ ਵਾਲੇ ਵਿਦਿਆਰਥੀਆਂ ਨੂੰੁ ਪਹਿਲ ਦੇ ਅਧਾਰ ਤੇ ਦਾਖਲਾ ਦਿੱਤਾ ਜਾਵੇਗਾ। ਵਿਦਿਆਰਥੀ ਕੋਰਸ ਵਿੱਚ 31ਅਕਤੂਬਰ,2020 ਤੱਕ ਦਾਖਲਾ ਲੈ ਸਕਦੇ ਹਨ।ਇਸ ਮੌਕੇ ਪ੍ਰਿੰਸੀਪਲ ਵਲੋਂ ਕਾਲਜ ਦੇ ਸਮੁੱਚੇ ਸਟਾਫ਼ ਖ਼ਾਸ ਕਰਕੇ ਸਬੰਧਿਤ ਵਿਭਾਗਾਂ ਦੇ ਟੀਚਰ ਸਾਹਿਬਾਨ ਅਤੇ ਯੂ.ਜੀ.ਇੰਚਾਰਜ ਡਾ. ਗੁਰਪ੍ਰੀਤ ਸਿੰਘ ਉੱਪਲ ਨੂੰ ਵਧਾਈ ਦਿੱਤੀ।

Advertisements