ਪਿੰਡ ਤਲਵੰਡੀ ਜੱਟਾਂ ਤੋਂ ਦਿੱਲੀ ਲਈ ਰਾਸ਼ਨ ਸਾਮਗਰੀ ਲੈ ਕੇ ਨੌਜਵਾਨਾਂ ਦਾ ਤੀਸਰਾ ਕਾਫਲਾ ਰਵਾਨਾ

ਗੜ੍ਹਦੀਵਾਲਾ 21 ਦਸੰਬਰ (ਚੌਧਰੀ) : ਪਿਛਲੇ ਲੰਬੇ ਸਮੇਂ ਤੋਂ ਦਿੱਲੀ ਦੀਆਂ ਸੜਕਾਂ ਤੇ ਖੇਤੀ ਸਬੰਧੀ ਬਣਾਏ ਕਾਲੇ ਕਾਨੂੰਨਾਂ ਦੇ ਵਿਰੋਧ ‘ਚ ਕਿਸਾਨਾਂ ਦਾ ਸੰਘਰਸ਼ ਲਗਾਤਾਰ ਚੱਲ ਰਿਹਾ ਹੈ। ਅੱਜ ਸਰਪੰਚ ਮਨਜੋਤ ਸਿੰਘ ਦੀ ਅਗਵਾਈ ਹੇਠ ਇਸ ਸੰਘਰਸ਼ ਵਿੱਚ ਸ਼ਾਮਲ ਹੋਣ ਲਈ ਪਿੰਡ ਤਲਵੰਡੀ ਜੱਟਾਂ ਤੋਂ ਪਿੰਡ ਗੋਂਦਪੁਰ ਅਤੇ ਪਿੰਡ ਤਲਵੰਡੀ ਜੱਟਾਂ ਦੇ ਨੌਜਵਾਨ ਰਾਸ਼ਨ ਸਾਮਗਰੀ ਲੈ ਕੇ ਤੀਸਰਾ ਜੱਥਾ ਦਿੱਲੀ ਲਈ ਰਵਾਨਾ ਹੋਇਆ।

ਇੱਥੇ ਜਿਕਰਯੋਗ ਹੈ ਪਿੰਡ ਤਲਵੰਡੀ ਜੱਟਾਂ ਦੇ ਸਰਪੰਚ ਅਤੇ ਬਾਬਾ ਦੀਪ ਸਿੰਘ ਸੇਵਾ ਦਲ ਅਤੇ ਵੈਲਫੇਅਰ ਸੁਸਾਇਟੀ ਗੜਦੀਵਾਲਾ ਦੇ ਮੁਖੀ ਮਨਜੋਤ ਸਿੰਘ ਦੀ ਅਗਵਾਈ ਚ ਦਿੱਲੀ ਵਿਖੇ ਕਿਸਾਨ ਸੰਘਰਸ਼ ਦੌਰਾਨ ਕਿਸਾਨਾਂ ਲਈ ਲੰਗਰ ਲਗਾਇਆ ਗਿਆ ਹੈ। ਇਹ ਲੰਗਰ ਲਗਾਤਾਰ ਚਲਾਇਆ ਜਾ ਰਿਹਾ ਹੈ। ਇਸ ਦੇ ਚੱਲਦੇ ਅੱਜ ਇੱਕ ਟਰੱਕ ਭਰ ਕੇ ਨੌਜਵਾਨਾਂ ਦਾ ਜੱਥਾ ਅੱਜ ਰਵਾਨਾ ਹੋਇਆ ਹੈ। ਇਸ ਜੱਥੇ ਵਿੱਚ ਸਰਪੰਚ ਮਨਜੋਤ ਸਿੰਘ ਤਲਵੰਡੀ,ਗੁਰਸ਼ਮਿੰਦਰ ਸਿੰਘ ਕਾਲਕਟ, ਸੁੱਖਾ ਕਾਲਕਟ,ਸਤਨਾਮ ਸਿੰਘ ਗਿੱਲ,ਮਨਰਾਜ ਸਿੰਘ,ਸਾਧੂ ਸਿੰਘ, ਪਾਲਾ, ਮਲਕੀਤ ਸਿੰਘ ਸੁਰਿੰਦਰ ਸਿੰਘ ਸਮੇਤ ਹੋਰ ਨੌਜਵਾਨ ਰਵਾਨਾ ਹੋਏ ਹਨ।

News