LATEST BIG NEWS: ਬੀਜੇਪੀ ਸਰਕਾਰ ਵੱਲੋਂ ‘ਭੰਗ ਦੀ ਖੇਤੀ ਸ਼ੁਰੂ ਕਰਨ ਦੀਆਂ ਤਿਆਰੀਆਂ, ਹੱਕ ਵਿੱਚ ਖੜ੍ਹੇ ਅਧਿਕਾਰੀਆਂ ਦੀ ਦਲੀਲ ਹੈ ਕਿ ਭੰਗ ਦੀ ਖੇਤੀ ਨਾਲ ਅਰਥ-ਵਿਵਸਥਾ ਮਜ਼ਬੂਤ ਹੋਵੇਗੀ

ਸ਼ਿਮਲਾ: ਹਿਮਾਚਲ ਪ੍ਰਦੇਸ਼ ਦੀ ਬੀਜੇਪੀ ਸਰਕਾਰ ਵੱਲੋਂ ‘ਭੰਗ ਦੀ ਖੇਤੀ ਸ਼ੁਰੂ ਕਰਨ ਦੀਆਂ ਤਿਆਰੀਆਂ’ ਕੀਤੀਆਂ ਜਾ ਰਹੀਆਂ ਹਨ। ਸਰਕਾਰ ਦੀ ਵੱਖ–ਵੱਖ ਮੰਤਵਾਂ ਲਈ ਭੰਗ ਦੀ ਕੰਟਰੋਲਡ ਖੇਤੀ ਕਰਨ ਦੀ ਯੋਜਨਾ ਹੈ। ਭੰਗ (Cannabis Cultivation) ਨੂੰ ਮੁੱਖ ਤੌਰ ਉੱਤੇ ਮੈਡੀਕਲ ਉਦੇਸ਼ਾਂ ਲਈ ਵਰਤਿਆ ਜਾਂਦਾ ਹੈ। ਸਰਕਾਰ ਨੇ ਹੁਣ ਉੱਤਰਾਖੰਡ ਤੇ ਹੋਰਨਾਂ ਰਾਜਾਂ ਤੋਂ ਸੁਝਾਅ ਮੰਗੇ ਹਨ।

ਜੇ ਹਿਮਾਚਲ ਸਰਕਾਰ ਦੇ ਇਸ ਪ੍ਰਸਤਾਵ ਬਾਰੇ ਕੋਈ ਅੰਤਿਮ ਫ਼ੈਸਲਾ ਲੈ ਲਿਆ ਗਿਆ, ਤਾਂ ਘੱਟ ਨਸ਼ੇ ਵਾਲੀਆਂ ਭੰਗ ਦੀਆਂ ਕਿਸਮਾਂ ਦੀ ਖੇਤੀ ਹਿਮਾਚਲ ਪ੍ਰਦੇਸ਼ ਵਿੱਚ ਸ਼ੁਰੂ ਹੋ ਸਕਦੀ ਹੈ। ਇਸ ਪ੍ਰਸਤਾਵ ਦੇ ਹੱਕ ਵਿੱਚ ਖੜ੍ਹੇ ਅਧਿਕਾਰੀਆਂ ਦੀ ਦਲੀਲ ਹੈ ਕਿ ਭੰਗ ਦੀ ਖੇਤੀ ਨਾਲ ਸੂਬੇ ਦੀ ਦਿਹਾਤੀ ਅਰਥ–ਵਿਵਸਥਾ ਮਜ਼ਬੂਤ ਹੋਵੇਗੀ।

ਹਿਮਾਚਲ ਵਿਧਾਨ ਸਭਾ ’ਚ ਭੰਗ ਦੀ ਖੇਤੀ ਸ਼ੁਰੂ ਕਰਨ ਦਾ ਮੁੱਦਾ ਕਈ ਵਾਰ ਚੁੱਕਿਆ ਗਿਆ ਹੈ।

ਕੁੱਲੂ–ਮਨਾਲੀ, ਮੰਡੀ, ਸ਼ਿਮਲਾ, ਸਿਰਮੌਰ ਤੇ ਚੰਬਾ ਜਿਹੇ ਹਿਮਾਚਲ ਦੇ ਕਈ ਭਾਗਾਂ ਵਿੱਚ ਭੰਗ ਦੀ ਖੇਤੀ ਲਈ ਅਨੁਕੂਲ ਮੌਸਮ, ਆਬੋਹਵਾ ਅਤੇ ਮਾਹੌਲ ਹੈ।

ਕੁੱਲੂ ਹਲਕੇ ਦੇ ਵਿਧਾਇਕ ਸੁੰਦਰ ਠਾਕੁਰ ਨੇ ਕਿਹਾ ਕਿ ਭੰਗ ਦੇ ਪੌਦੇ ਦੇ ਹਰੇਕ ਹਿੱਸੇ ਦੀ ਵਰਤੋਂ ਹੁੰਦੀ ਹੈ। ਤੁਸੀਂ ਉਸ ਨੂੰ ਖਾਣ ਲਈ ਵੀ ਵਰਤ ਸਕਦੇ ਹੋ, ਇਸ ਪੌਦੇ ਤੋਂ ਤੁਸੀਂ ਜੁੱਤੀਆਂ ਵੀ ਬਣਾ ਸਕਦੇ ਹੋ, ਕੱਪੜੇ, ਰੱਸੀਆਂ ਤੇ ਦਵਾਈਆਂ ਵੀ ਤਿਆਰ ਕਰ ਸਕਦੇ ਹੋ।

Advertisements