ਅਭਿਨਵ ਸ਼ੂਟਿੰਗ ਸਪੋਰਟਸ ਐਕਡਮੀ ਦੇ ਸ਼ੂਟਰਾਂ ਨੇ ਜਿਲ੍ਹਾ ਪਧੱਰੀ ਖੇਡ ਮੁਕਾਬਲੇ ’ਚ ਮਾਰੀਆਂ ਮਲ੍ਹਾਂ

ਗੜ੍ਹਦੀਵਾਲਾ / ਹੁੁਸ਼ਿਆਰਪੁਰ 19 ਜਨਵਰੀ (ਚੌਧਰੀ) : ਹੁਸ਼ਿਆਰਪੁਰ ਜਿਲ੍ਹਾ ਰਾਇਫਲ ਸੂਟਿੰਗ ਸਪੋਰਟਸ ਅੇਸੌਸੀਏਸ਼ਨ ਵਲੋਂ ਮਿਤੀ 16 ਅਤੇ 17 ਜਨਵਰੀ ਨੂੰ ਵੂਡਲੈਂਡ ੳਵਰਸੀਸ ਸਕੂਲ ਹੁਸ਼ਿਆਰਪੁਰ ਵਿਖੇ 8 ਵੀਂ ਜਿਲ੍ਹਾ ਰਾਇਫਲ ਸ਼ੂਟਿੰਗ ਚੈੰਪਿਅਨਸ਼ੀਪ ਕਰਵਾਈ ਗਈ ਜਿਸ ਵਿਚ 50 ਤੋਂ ਵੱਧ ਸ਼ੂਟਰਾਂ ਨੇ ਭਾਗ ਲਿਆ। ਜਿਸ ਵਿਚ ਅਭਿਨਵ ਸ਼ੂਟਿੰਗ ਸਪੋਰਟਸ ਐਕਡਮੀ ਦੇ ਸ਼ੂਟਰਾਂ ਨੇ ਮਲ੍ਹਾ ਮਾਰੀਆਂ। ਇਸ ਸਬੰਧੀ ਜਾਨਕਾਰੀ ਦਿੰਦੇ ਹੋਏ ਐਕਡਮੀ ਦੇ ਕੌਚ ਸ਼੍ਰੀ ਪਵਨ ਕੁਮਾਰ ਜੀ ਨੇ ਕਿਹਾ ਕਿ ਇਸ ਖੇਡ ਮੁਕਾਬਲੇ ਦੇ ਵਿੱਚ ਉਹਨਾਂ ਦੀ ਐਕਡਮੀ ਦੇ ਤਿੰਨ ਸ਼ੂਟਰਾਂ ਨੇ ਭਾਗ ਲਿਆ ਜਿਸ ਵਿੱਚ ਗੁਰਨੀਤ ਕੌਰ ਨੇ ਦੋ ਗੋਲਡ, ਮਨਰਾਜਦੀਪ ਸਿੰਘ ਨੇ ਇਕ ਗੋਲਡ ਅਤੇ ਇਕ ਸਿਲਵਰ ਅਤੇ ਦਿਸ਼ਾਂਤ ਠਾਕੁਰ ਨੇ ਬ੍ਰਾਂਜ਼ ਮੈਡਲ ਪ੍ਰਾਪਤ ਕੀਤਾ ਅਤੇ ਇਹਨਾਂ ਸਾਰੇ ਖਿਡਾਰੀਆਂ ਵਲੋਂ ਪੰਜਾਬ ਸਟੇਟ ਸ਼ੂਟਿੰਗ ਖੇਡ ਮੁਕਾਬਲਿਆਂ ਲਈ ਕੁਆਲੀਫਾਈ ਕਰ ਲਿਆ ਗਿਆ।ਜੋ ਕੀ ਅਗਲੇ ਮਹਿਨੇ ਜਲੰਧਰ ਵਿਖੇ ਹੋਣਗੇ।ਜੈਤੂ ਖਿਡਾਰੀਆਂ ਨੂੰ ਮੈਡਲਾਂ ਦੀ ਵੰਡ ਹੁਸ਼ਿਆਰਪੁਰ ਜਿਲ੍ਹਾ ਰਾਇਫਲ ਸੂਟਿੰਗ ਸਪੋਰਟਸ ਅੇਸੌਸੀਏਸ਼ਨ ਦੇ ਪ੍ਰਧਾਨ ਮਨਦੀਪ ਸਿੰਘ ਗਿੱਲ, ਮੁੱਖ ਮਹਿਮਾਨ ਸ. ਰਣਬੀਰ ਸਿੰਘ ਖਟੜਾ, ਆਈ.ਪੀ.ਐਸ. ਅਤੇ ਸ਼੍ਰੀ ਨਵਜੋਤ ਸਿੰਘ ਮਾਹਲ ਐਸ.ਐਸ.ਪੀ. ਹੁਸ਼ਿਆਰਪੁਰ ਵਲੋਂ ਕੀਤੀ ਗਈ।

News