ਚੱਬੇਵਾਲ ਦੇ ਕੋਟ ਵਿਖੇ ਠਾਠਾਂ ਮਾਰਦੇ ਇਕੱਠ ਨੇ ਤੋੜੀਆਂ ਕਈਆਂ ਦੀਆਂ ਉਮੀਦਾਂ
ਡਾ ਇਸ਼ਾਂਕ ਦੇ ਹੱਕ ‘ਚ ਵੱਡਾ ਇਕੱਠ ਜਿੱਤ ਦਾ ਪ੍ਰਤੀਕ
ਚੱਬੇਵਾਲ / ਹੁਸ਼ਿਆਰਪੁਰ (ਆਦੇਸ਼ ) : ਲੋਕ ਸਭਾ ਮੈਂਬਰ ਡਾ ਰਾਜ ਕੁਮਾਰ ਦੀ ਅਗਵਾਈ ਹੇਠ ਅੱਜ ਵਿਧਾਨ ਸਭਾ ਹਲਕਾ ਚੱਬੇਵਾਲ ਦੀ ਜਿਮਨੀ ਚੋਣ ਦੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਡਾ ਇਸ਼ਾਂਕ ਕੁਮਾਰ ਦੇ ਸਮਰਥਨ ਵਿਚ ਆਪ ਦੇ ਕੈਬਿਨੇਟ ਮਨਿਸਟਰ ਡਾ ਰਵਜੋਤ ਸਿੰਘ, ਜਿਲ੍ਹਾ ਪ੍ਰਧਾਨ ਗੁਰਵਿੰਦਰ ਸਿੰਘ ਪਾਬਲਾ, ਕੁਲਵਿੰਦਰ ਸਿੰਘ ਰਸੂਲਪੁਰੀ ਅਤੇ ਸਮੂਹ ਚੱਬੇਵਾਲ ਆਪ ਵਰਕਰਾਂ ਦੇ ਨਾਲ ਹਲਕਾ ਵਾਸੀਆਂ ਦੇ ਇਕ ਵੱਡੇ ਇਕੱਠ ਨੇ ਕੋਟ ਫਤੂਹੀ ਵਿਖੇ ਇਕ ਭਾਰੀ ਰੋਡ ਸ਼ੋ ਕੱਢਿਆ|
ਇਸ ਮੌਕੇ ਪਹੁੰਚੇ ਸਭਨਾਂ ਲੋਕਾਂ ਅਤੇ ਪਾਰਟੀ ਵਰਕਰਾਂ ਦਾ ਧੰਨਵਾਦ ਕਰਦਿਆਂ ਡਾ ਰਾਜ ਨੇ ਕਿਹਾ ਕਿ ਇਸ ਰੋਡ ਸ਼ੋ ਵਿਚ ਉਮੜਿਆ ਜਨ ਸੈਲਾਬ ਡਾ ਇਸ਼ਾਂਕ ਦੀ ਹੋਣ ਵਾਲੀ ਜਿੱਤ ਦੀ ਗਵਾਹੀ ਭਰ ਰਿਹਾ ਹੈ | ਤੁਹਾਡੇ ਸਾਰਿਆਂ ਦੇ ਇਸ ਸਾਥ – ਸਮਰਥਨ ਦੇ ਪ੍ਰਦਰਸ਼ਨ ਅਤੇ ਚੋਣ ਪ੍ਰਚਾਰ ਦੌਰਾਨ ਦਿਨ-ਰਾਤ ਇਕ ਕਰ ਕੇ ਕੀਤੀ ਗਈ ਮਿਹਨਤ ਸਦਕਾ ਅਸੀਂ
ਜ਼ਰੂਰ ਵੱਡੀ ਜਿੱਤ ਹਾਸਿਲ ਕਰਾਂਗੇ ਅਤੇ ਆਪਣੇ ਚੱਬੇਵਾਲ ਹਲਕੇ ਨੂੰ ਵਿਕਾਸ ਦੇ ਨਵੇਂ ਪੱਧਰ ‘ਤੇ ਲੈ ਕੇ ਜਾਵਾਂਗੇ ਇਸ ਮੌਕੇ ਡਾ ਇਸ਼ਾਂਕ ਨੇ ਵੀ ਲੋਕਾਂ ਨੂੰ ਸੰਬੋਧਿਤ ਕਰਦਿਆਂ ਕਿਹਾ ਕਿ ਤੁਹਾਡੇ ਨਾਲ ਰਾਬਤਾ ਬਣਾਈ ਰੱਖਣਾ ਅਤੇ ਹਰ ਇਕ ਵਾਅਦਾ ਨਿਭਾਉਣਾ ਮੇਰੀ ਪਹਿਲ ‘ਤੇ ਹੋਵੇਗਾ |
ਇਸ ਮੌਕੇ ਡਾ ਜਤਿੰਦਰ ਕੁਮਾਰ ਅਤੇ ਮੈਡਮ ਸੋਨੀਆ ਵੀ ਇਸ ਰੋਡ ਸ਼ੋ ਦਾ ਹਿੱਸਾ ਬਣੇ | ਮਹਿਲਾਵਾਂ ਅਤੇ ਨਵਯੁਵਕਾਂ ਦੀ ਵੱਡੀ ਗਿਣਤੀ ਵੀ ਡਾ ਰਾਜ ਅਤੇ ਡਾ ਇਸ਼ਾਂਕ ਦੀ ਲੋਕਪ੍ਰਿਯਤਾ ਦਾ ਪ੍ਰਮਾਣ ਦੇ ਰਹੀ ਸੀ | ਇਸ ਰੋਡ ਸ਼ੋ ਨਾਲ ਡਾ ਰਾਜ ਨੇ ਵਿਰੋਧੀਆਂ ਦੀ ਰਹੀ-ਸਹੀ ਆਸ ‘ਤੇ ਵੀ ਪਾਣੀ ਫੇਰ ਦਿੱਤਾ ਜਾਪਦਾ ਹੈ |
EDITOR
CANADIAN DOABA TIMES
Email: editor@doabatimes.com
Mob:. 98146-40032 whtsapp
